തിരുവനന്തപുരം: സംസ്ഥാനത്തെ ബസ് സര്‍വീസുകളുടെ സമയക്രമവുമായി ബന്ധപ്പെട്ട പരാതികളും പ്രിയദര്‍ശിനി സര്‍വീസുകള്‍ സംബന്ധിച്ച് സ്വകാര്യ ബസ് ഉടമകളുടെ സംഘടനകള്‍ ഉന്നയിച്ച ആവശ്യങ്ങളും പഠിക്കാന്‍ സര്‍ക്കാര്‍ നാലംഗ കമ്മിറ്റി രൂപീകരിച്ചു.
സ്റ്റേറ്റ് ട്രാന്‍സ്‌പോര്‍ട്ട് അഥോറിറ്റി അംഗം കെ. സുരേഷ് ബാബുവാണ് കമ്മിറ്റിയുടെ ചെയര്‍മാന്‍. സീനിയര്‍ ഡെപ്യൂട്ടി ട്രാന്‍സ്‌പോര്‍ട്ട് കമ്മീഷണര്‍ സി.വി.എം ഷെരീഫാണ് കണ്‍വീനര്‍. കെഎസ്ആര്‍ടിസി എക്‌സിക്യൂട്ടീവ് ഡയറക്ടര്‍ (ഓപ്പറേഷന്‍സ്) ജി.പി. പ്രദീപ് കുമാര്‍, നാഷണല്‍ ട്രാന്‍സ്‌പോര്‍ട്ടേഷന്‍ പ്ലാനിംഗ് ആന്‍ഡ് റിസര്‍ച്ച് സെന്‍റര്‍ (നാറ്റ്പാക്) ടെക്‌നിക്കല്‍ ഓഫിസര്‍ ആര്‍.ജെ. സഞ്ജയ് എന്നിവരാണ് കമ്മിറ്റിയിലെ മറ്റ് അംഗങ്ങള്‍.
തിരുവനന്തപുരം, എറണാകുളം, കോഴിക്കോട് മേഖലകളില്‍ ബന്ധപ്പെട്ടവരുമായി നേരിട്ട് കൂടിക്കാഴ്ച നടത്തിയ ശേഷം പരമാവധി ആറ് ആഴ്ചയ്ക്കുള്ളില്‍ സര്‍ക്കാരിന് റിപ്പോര്‍ട്ട് സമര്‍പ്പിക്കാനാണ് നിര്‍ദേശം. ഗതാഗത സെക്രട്ടറി ഇതുസംബന്ധിച്ച ഉത്തരവിറക്കി.
Deepika
Corehub Solutions
E-paper LOGIN
LOGIN